မုန့်ရေပါး

သူငယ်ချင်းအစ်မပို့လိုက်တဲံ့ ဆန်မှုန့်ကို ဆားထည့်ပြီးရေဖျော်ပါတယ်။ အချိုမှုန့်ကြိုက်သူ ထည့်နိုင်ပါတယ်။
ကျနော်ကတော့ သကြားနည်းနည်းထည့်ပါတယ်။
ပဲပြုပ် ။နံနံပင် ။ကြက်ဥ အသင့်ပြင်ထားပါ....။
သူငယ်ချင်းက ငရုတ်သီးစိမ်းထည့်ရတာကြိုက်လို့ သေးသေးစိတ်ထည့်ပါတယ်။
ဆီဝနေတဲံ့ ဒယ်အိုးအပြား(တကယ့်ကိုပြားပြားလေး) ကိုအပူပေးပြီး ဆီနဲနဲထည့်ပါ။
ပြီးတော့ ဖျော်ထားတဲ့ မှုန့်ရေကို သာသာလေးနှံ့အောင် လောင်းထည့်ပါ..
မီးသေးသေးနဲ့ကြော်ပါ ။ပြီးတော့..အသင့်ပြင်ထားတဲ့အဆာတွေ ဖြူးပြီး အိုးဖုံး
အုပ်ထားပေးပါ...။အနားသားလေးတွေ ညိုဝါပြီး ကြွလာရင် ထက်ခြမ်းခေါက်ပြီး
အိုးထဲကနေ ဆယ်ယူပါ..။
ကဲ...
သုံးဆောင်နိုင်ပါပြီ...။
မုန့်ရေပါးနဲ့ မုန့်ပျားသလက် မတူပါဘူး..။
မုန့်ရေပါးက ဒယ်ပြားထဲဆီထည့်ကြော်ရပါတယ်..။
မုန့်ပျားသလက်(မုန့်ပြစ်သလက်)ကတော့ ခွက်နေတဲ့ မြေဒယ်အိုးလေးနဲ့ မီးဖုတ်စားရတာပါ။
သူက ပိုထူပါတယ်..။
မုန့်ရေပါးကို တစ်ချို့က ရေမုန့်လို့လဲခေါ်ကြပါတယ်..။မယ်ဆင်ကပြောတော့ မကွေးဖက်မှာ
မုန့်ရေလို့လည်း ခေါ်ပါသတဲ့ ။
ကျနော်တို့မြို့မှာတော့ မုန့်ရေပါးနဲ့ မုန့်လင်မယားတွဲရောင်းကြပါတယ် ။
(မစူးမေးထားတာ ဒီမှာပဲဖြေလိုက်ပါတယ်။ အဆင်ပြေပါစေ)




သတိ ။ ။ မီးအေးအေးနဲ့ ကြော်ဖို့လိုပါတယ်..။
အလောကြီးပြီး မီးပြင်းရင် တူးပြီး အတွင်းက ပျော့ပြဲနေတတ်ပါတယ်။